Ótrúlegur dugnaður

Í dag afrekaði ég að fara til Reykjavíkur án þess að fara í eina læknaheimsókn!!!  Ég er nefnilega svo löt að skreppa í bæinn nema ég eigi erindi þangað.  Ég fór með körlunum mínum í bæinn um hádegið og við skruppum í Just 4 kids (af því að hún mætti okkur á leiðinni) og í Ikea.  Við Magnús höfðum nefnilega ákveðið að nú skyldi herbergi yngsta fjölskyldumeðlimsins fá andlitslyftingu í tilefni af tveggja ára afmælinu sem nálgast óðfluga.  Ragnar hefur verið með 2 gamla skápa í herberginu, sem amma hans var að losa sig við og fóru til okkar (ekki þeir smörtustu).  Við keyptum handa honum flotta hvíta hillu með hólfum sem ná alveg í gegn, flottan dótakassa og myndaramma á veggina.  Seinna ætlum við að kaupa flotta bílamottu og rúm (þegar við ákveðum að sleppa honum úr rimlabúrinu). 

Leiðin lá síðan í Laugardalinn að kíkja á sundmótið hjá Karlottu.  Þar hittum við Sigga, Hlín, Kristófer og Malen sem voru líka komin að horfa (Kristó reyndar líka að keppa).  Karlotta ákvað að gista bara hjá pabba sínum í nótt því keppni heldur áfram á morgun, en fyrst fóru krakkarnir frá Selfossi að fá sér Subway og ætluðu kannski í keilu líka.  Við héldum heim um hálf fjögur með viðkomu í sjoppunni við Rauðavatn að kaupa okkur kaffi

Þegar heim var komið hófst húsmóðirin auðvita handa við að skrúfa saman hilluna góðu, gat ekki beðið frekar en fyrri daginn.  Byrjaði aðeins að raða dóti í hilluna, en það verður klárað á morgun.  Hefndist reyndar fyrir framkvæmdasemina með leiðinda bakverk og geng því um skökk og skæld.  Enn þetta var þess virði því herbergið verður svo flott

Kv

Guðbjörg

Athugasemdir

[Mamma (IP-tala skráð) 17.2.2008 kl. 21:05]

stórt knus á linuna. Hlakka til ad hitta R og M eftir helgina.