Ótrúlega dugleg í dag

Dagurinn var tekinn með trompi í dag.  Við Magnús Már mættum í ræktina kl. 10 í morgun.  Ég fór labbandi með Ragnar Fannberg í Salalaugina í gær og keypti árskort í líkamsrækt (Nautilus) og sund fyrir okkur hjónaleysin.  Í morgun fengum við leiðsögn í gegnum tækin og síðan er markmiðið að mæta a.m.k. þrisvar í vikur í tækin og helst í sund þess á milli.  Aðstaðan í þessari stöð er ótrúlega flott og frábært að geta farið í sund líka eða heita pottinn og gufu, eftir æfingu.

Þegar við komum heim frá því að sækja Ragnar sem dvaldi í góðu yfirlæti hjá afa og ömmu í Fensölunum, voru hendur látnar standa fram úr ermum.  Magnús Már fór að þrífa bílinn að innan og ég kláraði að mála það sem eftir var í stofunni og eldhúsinu.  Nú er loks allri málningarvinnu lokið, veiii.  Ég var auðvitað svo spennt að fara að setja upp myndir og dúllast aðeins, að ég varð að skella mér í það líka.  Setti upp hillur hjá Karlottu og ýmislegt fleira.  Ég er nefnilega farin að þrá að sjá fyrir endann á þessu ,,flutningsferli" og losna við restina af kössunum og dótaríinu sem flækist fyrir mér.  Ég var ekkert smá montin með mig eftir dugnaðinn, en eftir á að hugsa var þetta kannski ekki það skynsamlegasta.  Vona allavega að ég komist út úr rúminu á morgun því ég hef ekki farið í ræktina ansi lengi og verð pottþétt með góðan skammt af harðsperrum.  Það er góða við þær er hins vegar að maður finnur svo vel að maður hefur verið að reyna á líkamann, sem er yndislegt.

Á morgun er planið að hafa sól og blíðu og fara út í náttúruna hér í nágrenninu og eyða deginum utan dyra í afslöppun.  Eins gott að veðurguðirnir séu með þetta á hreinu.

 Kveðja til ykkar allra

Guðbjörg

Athugasemdir

[Hulla Dan, 6.7.2008 kl. 09:36]

Ótrúlegur dugnaður í ykkur.
Við erum búin að prúfa þetta einu sinni og það stóð ekki yfir lengi.  
Þið fáið sennilega sólina í dag. Eitthvað lítið af henni hérna a.m.k.

Kveðjur úr sveitinni.